【唔怪得之農夫溝死女啦，男人講野搞笑仲剎食過靚仔(上)】
呢排《Do姐再shopping》勁受網民歡迎，因為農夫又出黎寸爆Do姐喇，有女網民仲誇張到話好想嫁比農夫添，話佢地口才好，人生多左好多樂趣。幾時都話男人把口講野搞笑仲剎食過靚仔，生到靚仔咁又點？木木獨獨咪又係收哂皮。
其實依家啲女生真係唔係外表行先架...如果你女神被一個毒J搶走，你可能仲係覺得天無眼，但如果身邊愈來愈多美女與野獸既配搭，你就要明白技不如人。外表只係其中一個參考，最重要係你有冇內涵。有靚仔樣又點？就好似寫字想買支筆咁：一支名牌筆冇墨水，幾靚都用唔到；相反一支街邊買5蚊支既原子筆如果寫得好流暢既話，外表係點都冇所謂。換言之，當女仔可以從你既言談中得到知識同快樂，證明你已經唔愁冇女朋友。由此可見農夫根本係好男朋友/好老公榜樣，口才了得、講國風趣幽默遠比靚仔、有錢來得重要。
咁點先可以講野搞笑？睇農夫啦：
1.陸永介紹水果三文治嗰陣話：「呢個呢就係水果三文治喇...」，比Do姐話講廢話、冇重點。後來Do姐介紹北海道蜜瓜時，C君即刻回馬槍：「講重點！」
👉🏻提示：適當地寸嘴可以提升搞笑功力，不過當然要先了解女神底線喺邊，否則寸中地雷就...最重要係寸得黎又唔可以侮辱對方
2. 佢地喺拍賣場幫Do姐競投高質蜜瓜，投唔到會比人問候，但明明陸永全部成功投到Do姐又覺得出價太高，蝕底左，搞到陸永最後扮嬲鬧佢。
👉🏻提示：唔好比女神食住上，適當時候要扮嬲，比機會佢氹自己
3. 最後到富良野買蜜瓜副產品，Do姐問翠如如果一定要講，有咩可以批評，翠如一本正經咁話：「啲麵包唔夠熱...」，但農夫插嘴：「梗係唔係啦，Do姐就會話食物咩都好，係一齊食既人唔好 (指自己)，跟得你多知你心意呀。」
👉🏻提示：反諷都係絕招之一，因為太自大會嚇怕女仔
Search